Великий князь Владимир Мономах - читать онлайн книгу. Автор: Алексей Карпов cтр.№ 44

Но это уже совсем другая страница русской истории. И, наверное, в том, что произошло, нет вины Владимира Мономаха. Он указал русским князьям путь к единению и защите своих границ, к сохранению Руси как единого целого, скреплённого не только политическими, но и духовными, нравственными узами. Но для того, чтобы вступить на этот путь, требовались не только политическая воля, но и способность пожертвовать сиюминутной (и даже долговременной) выгодой ради некой более возвышенной, но физически не осязаемой цели, способность сохранять в своей душе тот самый страх Божий, о котором писал Мономах в своём «Поучении». А это во все времена и для любого политика — самая сложная и трудновыполнимая задача.

Азъ, худыи, дедомъ своимъ Ярославомъ, благословленымъ, славнымъ, нареченемь въ крещении Василии, русьскымь именемь Володимиръ, отцемь възлюбленымь и матерью своею Мьномахы... ^[215]

...и хрестьяных людии деля, колико бо сблюдъ по милости своей и по отни молитве от всех бед. Седя на санех ^[216], помыслих в души своей и похвалих Бога, иже мя сихъ дневъ грешнаго допровади ^[217]. Да дети мои или инъ кто слышавъ сю грамотицю ^[218], не посмеитеся, но ому же любо детии моихъ, а приметь е в сердце свое и не ленитися начнеть, такоже и тружатися. Первое, Бога деля и душа своея, страх имеите Божии в сердци своемь и милостыню творя неоскудну, то бо есть начатокъ всякому добру. Аще ли кому не люба грамотиця си, а не поохритаються, но тако се рекуть: на далечи пути, да на санех седя, безлепицю ^[219] си молвилъ.

Усретоша бо мя слы от братья моея на Волзе, реша: «Потъснися к нам, да выженемъ Ростиславича ^[220] и волость ихъ отъимем. Иже ли не поидеши с нами, то мы coбе будем, а ты собе» ^[221]. И рехъ: «Аще вы ся и гнева[е]те, не могу вы я ити, ни креста переступити». И, отрядивъ я, вземъ Псалтырю, в печали разгнухъ я, и то ми ся выня ^[222]: «Вскую печалуеши, душе, вскую смущавши мя?» (ср. Пс. 41, 6), и прочая. И потомь собрах словца си любая, и складохъ по ряду, и написах; аще вы последняя не люба, а передняя приимаите ^[223].

«Вскую печална еси, душе моя, вскую смущаеши мя? Упова на Бога, яко исповемся ему» (ср. Пс. 41, 6. 12; 42, 5). «Не ревнуи лукавнующимъ, ни завиди творящимъ безаконье, зане лукавнующии потребятся, терпящии же Господа, ти обладають землею. И еще мало, и не будеть грешника; взищеть места своего и не обрящеть. Кротции же наследять землю, насладяться на множьстве мира. Назираеть грешный праведнаго и поскрегчеть на нь зубы своими: Господь же посмеется ему и прозрить, яко придеть день его. Оружья извлекоша грешьници, напряже лукъ свои истреляти нища и убога, заклати правыя сердцемь: оружье ихъ внидеть в сердця ихъ, и луци ихъ скрушатся. Луче есть праведнику малое, паче богатства грешных многа. Яко мышца грешных скрушится, утвержаеть же праведныя Господь. Яко се грешници погыбнут, праведныя же милуя и даеть ^[224], яко благословящии его наследят землю, кленущии же его потребятся. От Господа стопы человеку исправятся: егда ся падеть и не разбьеться, яко Господь подъемлеть руку его. Унъ бех и сстарехся, и не видехъ праведника оставлена, ни семени его просяща хлеба: весь день милует и в заимъ даеть праведныи, и племя его благословлено будет. Уклонися от зла, створи добро, взищи мира и пожени, и живи в векы века» (ср. Пс. 36, 1. 9—17. 20. 21—27; 33, 15). «Внегда стати человекомъ, убо живы пожерли ны быша, внегда прогневатися ярости его на ны ^[225]; убо вода бы ны потопила» (Пс. 123, 2—4). «Помилуи мя, Боже, яко попра мя человекъ; весь день боряся, стужи ми. Попраша мя врази мои, яко мнози борющися со мною свыше» (Пс. 55, 2—3). «Возвеселится праведник, и егда видить месть, руце свои умыеть в крови грешника. И рече убо человекъ: “Аще есть плодъ праведника, и есть убо Богъ судяи земли! ”» (Пс. 57, 11—12). «Измии мя от врагъ моихъ, Боже, и от встающих на мя отъими мя; избави мя от творящих безаконье; и от мужа крови спаси мя, яко се уловиша душю мою» (Пс. 58, 2—4). «И яко гневъ въ ярости Его, и животъ в воли Его: вечерь водворится плачь, а заутра радость» (Пс. 29, 6). «Яко лучьши милость Твоя, паче живота моего. И устне мои похвалита Тя. Яко благословлю Тя в животе моемь; и о имени Твоемь въздею руце мои» (Пс. 62, 4—5). «Покры мя от соньма лукаваго и от множьства делающих неправду» (Пс. 63, 3). «Възвеселитеся, вси праведнии седцемь» (Пс. 31, 11). «Благословлю Господа на всяко время; воину хвала Его» (Пс. 33, 2), и прочая.